Tower Semiconductor Ltd
Publisert av Narve FulsåsVi har funne dokumentasjon på at selskapet er knytt til grove eller systematiske krenkingar av menneskerettane og/eller alvorlege krenkingar av individ sine rettar i krig og konfliktsituasjonar. Selskapet utgjer derfor ein høg risiko for brot på Oljefondets etiske retningslinjer.
NBIM hadde per 30.06.2025 en eierandel på 0,27% i selskapet, verdsatt til NOK 131,112,743,-.[1]
Selskapet lagar analoge “semiconductors”, halvledarar,[2] og har anlegg i Israel, USA, Japan og Italia. Det blei etablert i Migdal Haemek i 1993, ein israelsk by bygd på landområdet til den avfolka arabiske landsbyen Al-Mujaydil.[3]
Selskapet leverer både til forbrukarmarknaden og forsvarindustrien, og er vel nokså sikkert involvert i israelsk militærindustri. Det er i alle fall indirekte involvert i okkupasjonen: det blei nyleg tildelt «Supplier Excellence Award» frå Northrop Grumman for å levere militær- og sikkerheitsløysingar.[4] Northrop Grumman var i 2022 verdas tredje største militærindustri og forsyner Israel med ei rekkje våpen. Det leverer missilsystem og selskapets teknologiar er integrerte i Israels jagarfly og krigsskip. AFSC Investigate har ei lang liste over kva slags israelske våpen det er tale om og har Northrop Grumman klassifisert som «Recommended for Divestment».[5] Men Investigate har ikkje Tower Semiconductor på lista, det har heller ikkje Who Profits.