One Software Technologies Ltd

Publisert av Narve Fulsås

One Software er eit israelsk selskap som leverer IT-tenester til høgteknologi-, bank-, finans-, forsikrings- og handelsføretak over heile verda. Per 31.12.2024 var Oljefondets investering på NOK 53 548 606,-.[1]

One Software og fleire av dotterselskapa leverer eit stort spekter av datatenester, datamaskinar og utstyr til det israelske forsvarsdepartementet, til Koordinatoren for regjeringsaktivitetar i «territoria» (COGAT), til Israels siviladministrasjon (ICA) på Vestbreidda og til Israels militære distriktskoordinator og samband (DCL) på Gaza.[2]

Israels identitetspolitikk

Israel har tilrana seg eksklusiv rett til å tildele alle identitetsdokument (ID) som er nødvendige for å reise mellom og innan okkuperte område, mellom okkuperte område og Israel og mellom okkuperte område og utlandet.

Ved bruk av eit fargekoda system for ID-kort kontrollerer Israel palestinaranes rørsler, det splittar palestinarane i ulike grupper, det hindrar mobilitet innan og mellom desse gruppene og det opererer eit system der jødisk mobilitet er nesten uhindra, medan palestinsk mobilitet er eit unntak som krev særskilt løyve.

Det israelske systemet for mobilitetskontroll er blitt stadig meir digitalisert og basert på biometri. Teknologi for andletsgjenkjenning er installert ved kontrollpostane ut og inn av Vestbreidda. One Software og dotterselskapa Taldor og Harel leverer konsulent-, drifts- og vedlikehaldstenester til Meitar-systemet, eit biometrisk identifikasjonssystem som er innstallert ved kontrollpostane på den okkuperte Vestbreidda​. Meitar-systemet blir bruka til å utferde biometriske ID-kort som palestinarane er tvungne til å bruke ved israelske checkpoints.[3]

Sidan palestinarar ikkje er verna av israelsk personvernlovgjeving, kan dei gjerast til gjenstand for heilt uregulert utprøving av identifikasjons- og overvakingsteknologiar.[4]

One Softwares dotterselskap Harel har levert maskinar og IT-tenester til det israelske koordinerings- og sambandssenteret for Gaza (DCL Gaza). DCL er lokalisert ved Israel Erez Checkpoint, som kontrollerer all rørsle mellom Gaza og Israel og Vestbreidda.​

Dotterselskapet Taldor fekk i 2018 25-årskontrakt som hovudleverandør til eit av det israelske forsvarets teknologisentra, som del av ei relokalisering til Naqab-regionen (Negev).​

For å vere med å styrke krigsinnsatsen, tilbydde One Software i desember 2024 sysselsetjing til alle ortodokse jødar som ville gjere militærteneste.[5]

Fotnoter

  1. Oljefondets investeringer | Norges Bank Investment Management - One Software Technologies Ltd](https://www.nbim.no/no/investeringene/investeringsoversikt/#/2024/investments/equities/2609/One%20Software%20Technologies%20Ltd) ↩︎

  2. Who Profits Research Center: «One Software Technologies» (per 25.2.2025), https://www.whoprofits.org/companies/company/3649, henta 19.6.2025 ↩︎

  3. Balasan Initiative for Human Rights: Rights Based on IDS. Israel’s Unilateral Control of Palestinian Population Registry on Both Sides of the Green Line & in the Diaspora (Oktober 2024). Balasan er ei uavhengig menneskerettsgruppe etablert av kristne palestinarar.​ ↩︎

  4. Keren Weitzberg: Biometrics and Counter-Terrorism. Case study of Israel/Palesine (London: Privacy International, Mai 2021). ↩︎

  5. Who Profits Research Center: «One Software Technologies» (per 25.2.2025), https://www.whoprofits.org/companies/company/3649, henta 19.6.2025 ↩︎